bsuech vo fröschli

so, natürläch hani sitem zischtigabe jedi freii minute gnützt für mit mire family zämä ds si u bi dür das natürläch gar nüme drzuä cho, mau no am pc dsi oder so. drzuä isch cho, dassmr am fritiabe erfahre hei, dassmr am samschti bis am mittag ds zimmer müässä grummt ha. heisst am samschti früächer ufstah, ipacke u när mau zur reze go dr schlüssu abhole. di het de uf nachfrag wo das zimmer überhoupt isch mau afa umetelefoniere u när gmerkt, dass no ä "putzfrou" im zimmer isch u mir ja no gar nid inechöi. macht ja nüt - wüu i ha ja frei u ha vo däm här keh stress vom züglä här. richtig fräch! uf jedä fau hani när klar gmacht, dassi nid da bi wüui mit mire family ungerwägs bi u somit hani schlussändläch ersch am abe müässä zügle. womr im nöie zimmer si acho heimr zersch mau ä churze schreck gha. auso im einte zimmer hets tatsächläch ou schimmu, äs schmöckt haut auäs vergammlet u mir hei bsuäch vo gschetzte 100 mugge gha - zum glück hei die mis bluet nid gärn ;) und jaa sobaud mr tür chli ufduä heimr so chlini - eigentläch ganz härzigi - fröschli im zimmer :) dr vorteil isch, dassi mi itz cha irichte u säch di nöie de müässä apasse. wüu d snecy het säch itz definitiv entschide ines angers hotel go ds schaffe - was wou für aui di beschti lösig isch u somit geit sie itz am mittwuch uf kos u am donnschti chöme när 2 nöii - di einti wo lenger blib tu einie wo nur für 3 wuchä blibt. di 2 chöme jedoch beidi zu mir ufs zimmer. hoffe mr, dass bis denn auäs scho chli besser usgseht u mir ds mingst no ä duschvorhang und dechine brchöme. ha nämläch letscht nacht ds gfüäu gha, dassi verfrüre ;)
süsch isch hie sit öpä 4 täg richtig schlächts wätter. äs rägnät ou ganz viu u isch sehr trurig. grad wüus letscht wuchä ja mau ono 38 grad isch gsi...
am donnschtiabe heimr crazytag gha. isch richtig cool gsi. d snecy und ig si am morge aus babys ungerwägs gsi u am nami aus omas (ir animation auteret mä ja drum so schnäu ;)) und am abe heimr när comedyshow gha. u i bi aus "statue" mit lippestift bemaut, mit spray igsprayt, mit chuächä gfüetterät, mit poolnudle gradgrichtet u mit wasser gschruubt worde. wüu natürläch när  ganz super ha usgseh u sowieso hät müässä go dusche - hani i pool dörfe springe u schlussändlcäh isch natürläch de das ganze team drine glandet. isch super gsi. statt mit dä gescht no plapperä simr haut när äs haubstündli im wasser gsi u hei gescht so ungerhaute ;) muäss ächt sägä so fägt animation richtig. auso ds abeprogramm isch sowieso immer ds coolschte. i fröiä mi itz ächt ou ändläch uf di grosse ching und uf mini teens wüu mti denä chasch eifah viu meh machä. mit drüjährige wo di ganzi zit grännä u zum mami wei, furtloufe u nüt tschegge ischs langsam aber nüme so luschtig. ud eutere wärdä irgändwie ou immer wie dööfer ;) und ja kritik wird haut immer gross güäbt. aber zum glück gits ou no so schöni holidaycheck-bewärtige:
http://www.holidaycheck.ch/hotelbewertung-Hotel+Mikri+Poli+Super+Animationsteam-ch_hb-id_2442293.html

:-)

so mini liebe, i dänkä viu a öich ou wes nid so schiint!
i drücke öich aui gaaanz, gaaaanz fescht!!!!!!

dir fählet mir <3 <3 <3

freier abend, zeit und news :)

juuuhuiii, auso eich hani geschter mau mi text afa schribä, wasi hüt wot veröffentläch aber da isch so viu drzwüsche cho!!
u zwar bini geschter backstage gsi u hami vorbereitet für üsi show u plötzläch chunnt dr gene ine u seit dusse het öper nach mir gfragt is öu schnäu use. i ha scho dänkt, dass sigi wieder irgend äs ching womr ä zeichnig wot gäh oder öpis wot frage u woni tür ufduä steit plötzläch mini haubi family vor dran! i ha grännet u gschroue u hüt hei ömu ganz viu gwüsst, dass minif amily isch acho :) mi abe isch ganz komisch verlofe wüu när eifach soooo düre wind bi gsi! ä wunderschöni überraschig!!!!!!!!!!!!!!!!!!!!!!!¨git mir richtig viu kraft!
so und itz dr ursprüngläch bitrag ;)
 soooo, nachdäm mir ja die ganzi leschti wuchä ä tanzcoach da hei gha (isch itz ou scho fasch wieder übernä 1 här zwar....) hani itz ändläch no mi frei abe brcho :) heisst i cha ändläch mau wieder chli meh berichte. hie passiert so viu u i wet immer so viu verzeue, aber irgändwie vergisst mäs när doch wieder. auso geschter heimr ds 2. mau üsi @work show ufgfüährt. vorgeschter heimr am abe usnahmswis scho mau am haubi 12i schluss gha. luschtigerwis het när niemer chönne oder wöuä go pfuse u mir hei zersch no tanzet u si när tatsächläch no lang i usgang. bi üs, i däm 5 minute ds fuäss, gässli louft doch meh aus mä dänkt. auso äs het sogar ä disco u dert söu im summer richtig viu los si. u het ou 3-4 bars. auso eigentläch ganz cool! für üs sowieso wüu aus animateur brchunnsch immer u überau rabatt. ob bim ässä oder bi drinks etc. auso z.b. chostet üs ä cocktail 2-3 euro. a üsem freie samschti simer hie ir nöchi ire taverne go znacht ässä. richtig fein u viu. mir hei vorspis gässä - ganz viu verschidnigi, houptspis u dessert (wasi de ha useglah wüui ächt nüme ha möge) mir hei schlussändläch 7 euro zaut u när ir bar näbädran no ä cocktail brcho und ä shot :) auso i gloub i gah nur no aus animateur id ferie i meine i cha ja mi keyholder u mini jagge phaute ;) mir si am samschti düre tag ou ds rhodos gsi u hei ds einte oder angerä ikouft u ou dert natürläch immer prozent brcho :)
d ching hie wachsä eim enorm as härz u äs isch immer trurig we die när wieder hei göh...:( u di ching si ächt totau ehrläch u eifach super toll. wasi eis muäss lachä wägä denä. geschter heit di einti zu mir gmeint, dass so viu giele sä wöugä hürate da chöng sie säch gar nid entscheide. u di angeri luägt mi nur a u seit: jaa, genau dr glich salat hani ou :)
hie im team ischd stimmig nüme so guät wie am afang - d snecy wird itz am mittwuch ou ines nöis team uf kos gha.... auso mit mir isch auäs guät. mir macht mi job immer no ungloubläch viu spas su i cha itz ou i däm hotel blibe für di letschtä 2 monet wüu sie glücklächerwis mini nachfougeplanig no nid gmacht hei.

soo, dir ghöret vo mir aber i muäss itz ächt is bett. bi ide letschte 2 nächt nid zu viu schlaf cho!

dicki umarmig!

update!

sooo, itz chumi ändläch drzuä wieder mau chli meh ds berichte (u das ändläch ou mau wieder uf schwizerisch/schwizerdütsch) auso aus auerierschts hani itz geschter definitiv zuägseit, dassi itz doch bis ändi oktober hie blibe! :)

usflug vo letschtem samschti



showpremiere!

yes, geschter heimr üsi erschti richtig tanzshowpremiere gha u äs sich eifach nur riesig geil gsi. uds beschte isch ja, dass dr eint gast das auäs mit mire videokamera het ufgnoh. leider heimr no keh zit gha das adsluägä. die wuchä isch itz di ganzi zit ä tanzcoach da für ä angeri tanzshow u de heimr nächscht wuchä premiere vo derä. itz wird natürläch jedi frei minute trainiert u mir hei ja scho süsch nid viu frei minute... mhhh... comedy heimr letscht wuchä ou scho gha u das isch eifach nur riesig geil gsi! äs fägt ächt ungloublech ud zit raset nur verbi. i weiss scho gar nüme welä wuchätag das isch!
im chinderclub louft ou ganz viu. mir hei itz scho 33 chinder... i wot nid wüsse wie das im summer usgseht!u de ersch no we immer eis grännet, ds angerä id hose bisslet het etc. u  itz heimr eis ching gha womr nüme vor site gwiche isch. das het mini hang ächt gar nie losglah. aber so langsam wachst mä hie dri!
so, äs geit gad witer zur beautynight. dir ghöret wieder vo mir!