sooo nachemnä monet wieder mau ä nachricht :-)

ha gad entdeckt, dass mi letscht blogitrag scho fasch ä monet zrugliegt. zersch hani keh itrag chönne machä, wüui angst ha gha, dassi mi überraschigsbsuech ir schwiz verrate und äbä när bini ja ir schwiz gsi u itz chumi ou ändläch wieder drzuä.

dr letscht monet isch hie ds rhodos verloufe wie immer. ds grosse highlight isch natürläch mi bsuäch ir schwiz gsi!! äs het mir ungloublech viu chraft gäh, öich ds gseh und doch ds merke, wie fescht ig d animation vermisse. i gloub was aber ou sehr guät isch gsi, isch dassi itz ändläch weiss, wasi i mire zuäkunft wot machä. :-)

d animation isch aber würkläch ä grossi läbänsschuäu u meh lernt däheim wieder ganz angeri sachä schetze.
- di eigeti privatsphäre
- ä zug
- feins ässä
- fründä und familie um säch ume ds ha
- suberkeit
- zit für sich
und, und, und

woni hie wieder zrug nach rhodos bi cho, hani zersch mau ä schock gha u ha dänkt i flüge gad wieder hei. i bi totau motiviert acho aber woni när üses zimmer ha gseh, wäri am liebschte hingertsi wieder use. d tanja wo am zischtigmorge abgreist isch und di letschte täg mit äm tim, üsem chinderanimateur i üsem zimmer gwohnt het, het äs chaos hingerlahw omä säch gar nid cha vorsteue. chleider wosi nid zrüg id requi het wöuä bringe, eht sie mir i schrank gschmisse, mis bett isch nid früsch azoge gsi, kenni früäsche handtüecher. ihre küder het sie aus lah liege u das nid mau i küder gschosse, im badzimmer si 1000 sachä no vo ihre umeglägä und, und, und.

itz sis nur no chli meh aus 2 monet hie und die wärdä bestimmt wie im flug verbi gha. d ste chunnt ja ono ds bsuech und dr letscht monet

wird sowieso verbirase wie weiss nid was.