nachemnä mega tolle samschtiabe (merci aune wo drbi si gsi) hani mi am sunnti ufe wäg nach lyon gmacht. im zug vo bärn nach lyon zwarn o chli grännet uds gänf ei stress am bahnhof gha hanis irgändwie de doch no uf lyon gschafft. dert bini zersch chli verwirrt düre bahnhof girrt aber de het mr scho ganz ä sympathischi dame gwunkä - d nathalie het mi vom foto wiedererkennt. i wohne hie no mitere angerä "studentin" wo zum glück vo südamerika chunnt u nid vor schwiz ud nathalie redt ou ganz viu mit mir u duet mi verbessere. mis zimmer isch gross u schön, äs isch eifach überau mega chaud u i ha leider keh adapter für die steckdosene hie... zum glück hani scho nätti bekanntschafte gmacht ir schuäu u brchume morn, we auäs klappt ä adapter!
d nathalie het mi hüt id schuäu bracht wos ganz viu schwizer het. d klasse si gäbig chli u i wirdä sicher viu profitiere. am nami heimr när ä tour de lyon gmacht u i ha ds wichtigste scho mau gseh ou weni fasch verfrore bi.
dir ghöret gli wieder vo mir u füre momänt duäni biuder lah sprächä :-)
Keine Kommentare:
Kommentar veröffentlichen