Ha hüt ä adapter brcho, vor eintä wo ou i die glichi schuäu geit u itz chani chli lengeri brichterstattig machä aus geschter!
i wohne chli absits vom zentrum u für id schuäu muässi zersch dr bus näh u när no d metro. i liebä d metro scho itze u wirde sä vermisse weni wieder ir schwiz bi wüus eifach super praktisch isch, da die so oft fahre. ha hüt ou gad ä monetscharte glöst, was viu biuger u gäbiger isch.
schuäu heimr vom morge am nüni bis am nami am drü (ömu die wo superintensivkurs machä u das si nid viu). isch auso kehs grosses ding u i weiss im momänt no gar nid so wasi mit so viu freier zit söu afa :)
am nami hättä mr aube so programm vor schuäu us womr üs afangs wuchä chöi ischribä wemr wei mitmache.
ir klass bini mit 4 brasilianer u 3 schwizer (we aui awäsend si. vili wohnä imnä loft vor schuäu us, göh viu i usgang u schlafe när am morge wüumä nur 80% vom kurs muäss bsuächä fürs zertifikat...)
ds redä faut mr scho dütläch eifacher u i ha hüt ömu scho mini charte chönne beatrage. ir schuäu hauti mi zwar no zrüg aber es het eini vo pole (die einzigi vo dert) wo itz öfters mit mir ungerwägs isch u mit ihre redi praktisch nur französisch, ds gliche ou für mini "mitstudentin" wo vo venezuela chunnt.
nimmt mi wunger wieviu fortschritte ig i denä 2 monet wirdä machä... blibe doch di meiste nur 2-3 wuchä...
jaa das isch füre momänt gloub auäs! :D
liebs grüessli a aui!
ps. wirde itz des öfteren im skype unger melaniesch92 ds finge si :D
2 Kommentare:
Hei Meli gsehsch, jetz het doch das klappet mit däm Adapter- du weisch dir doch geng z häufe u berchunnsch, was muesch ha :) Die Föteli gseh sehr asprächend us! Ja so Namiprogramm si doch guet, villicht hets o Sport drunger? Egau was, aber du chunnsch unger d Lüt u hocksch de nid vo de 4 a am PC... Mir müesse üs schliesslech chli dra gwöhne, dass du o z Lyon es guets Läbe hesch... Söu o so si!!! Lüt lehre z kenne vor ganze Wält isch doch mega intressant- u villicht ergitsech e Kollegschaft oder sogar e Fründschaft. Wünsche dir witerhin viel Spass u chli wermeri Temperature ( sisch o hie nid grad warm, brrr...) Muntsch, Mami
jaa u dr adapter vor täbi isch mitlerwile äuä scho ungerwägs :D hehehe. eehm we dä bowling aus sport bezeichnisch ja - das isch morn agseit. ne nei i hocke nid nur vorem pc. ha aube ganz äs schlächts gwüsse weni chli is zimmer verschwinde wüu d nathalie durend mit mir wot redä u mit mir wot teeli trinke etc. :D hehe. aber jaaa am weeekend wirds de öpä scho chli längwillig.
di meiste vor schuäu si haut vor schwiz u vieli blibe ou nur 2-3 wuche u de ischs haut nid so ganz eifach.
ha itz d heizig zmingst im zimmer ganz ufgschrubt! :)
müntschi
Kommentar veröffentlichen