feedback :D

so, ha geschter mis 1. feedback brcho und das isch ganz guät gsi :) hihii. ab morn bini när ou chinderclubverantwortlechi und de geits nomau chli angers zuä und här ;) und jaa, git ganz interessanti sachä. z.b. chönntmä im herbscht ä lizenz aus aquafit-trainerin machä... tönt auso ganz guät! i würd mi aber när verpflichte, d wintersaison no ds machä :) drfür hätti när mini lizenz und chönnt das i zuäkunft ou näbäbii machä. git no meh so agebot woni itz ir nächschtä zit mau wirde prüäfä! :)

ps. meie, we das so witergeit schaffe mr mau no zämä ;) :P

fotos

stromusfau im hotel und improvisation uf dr bühni :)

stromusfau churz vor dr premiere vo üsere rama lama ding dong show

houptprob vo rama lama

poolparty black & white

eis vo mine lieblingsching d paula wo itz leider abgreist isch

poolparty

nachem usgang heimläch ab i pool

märlinachtwanderig

di bösi häx theresa

ereignisrichi wuche!

auso letscht wuchä hets ufs mau gheisse, dass d chani i 12 täg nüme üsi teamleiterin wird si wüu sie imnä angerä hotel d teamleitig muäss übernäh. bi üs würds de dr gene machä. aus nächschts hets gheisse, dass d chani scho i 3 tag hotel muäss wächslä. mir si natürläch aui totau down gsi u hei überhoupt nid wöuä das d chani geit. ds angerä team het ou nid so fröid gha, wobi sie ihri teamleiterin nüme hei wöuä. eis riese chaos und dürenang. 3 tag speter hets gheisse, dass d chani itz doch bi üs teamleitig blibt und die angeri teamleitig (wo eich scho ä flug für ines angers zieugebiet u auäs het gha u abegsetzt isch worde) ou teamleiterin blibt, dass jedoch d teams uf dr insle ustuscht wärdä. das ou imne angerä team no ganz fescht kriselet het d chani gmeint, dasses vo üsem team niemer wird träffä. i bi aber dr ganz abe verunsicherät gsi u ha dänkt, dasses de schlussändläch no mi trifft. am nächschtä mittag het d chani äs telefon brcho u chunnt churzdrufabe ine u meint, sie müässi mau mit mir rede.... u denn hani när erfahre, dassi hotel söt wächslä. ines tui-hus (heisst: aui tänz nöi lere, aui shows, viu meh chinder- und abedienste, äs unmotivierts team - wüu aui versetzt si worde u niemer eich het wöuä, ä teamleitig wo unorganisiert isch u womä ou nüme cha ärnschtnäh nach derä ganz zit) i bi zerscht mau i tränä usbroche, was hie no nid viu isch vorcho u ha mis telefon zückt u am mami aglüte, was no gar nie isch vorcho :) i bi wäuts dürenang gsi ou wüui vorauäm wägä üsem team, wägä üsere teamleiterin und wägäm hotel mi vertrag um 2 monet verlängerät ha. mhh, irgändeinisch hani mi de wieder gfasst gha und ha mr scho fang di positive pünkt vom nöie ort ufgschribe, hamer aber ou gseit, dassi mr das ganze ä wuchä lang aluägä und süsch hei chume.
- blaui teamkleidig
- aukohou im hotel
- internet ir ungerkunft
- jungs fürd paartänz
irgändeinisch isch de d chani no im badeazug i chinderclub gstürmt und het wieder mit mir wöuä rede. sie het mi i arm gnoh und gmeint, i dörfi itz doch blibe. sie heigi itz gad mit dr ziugebietsleiterin gredt u gseit, dass ig überhoupt nid erfröit bi gsi und dass sie mi eifach nid dörfe wägnäh. d gründ wieso sie mi im angeär hotel hei wöuä sie gsi, dassi hei wöuä dass dr chinderclub dert super louft und sie mir das zuätroue und wüu ig ä fröhlechi person bi wo immer am lachä isch und guät drufe isch....
auso i bi natürläch erliechterät gsi, dassi darf blibe drfür het itz aber d theresa müässä wächslä. für sie ischs eifacher gsi, wüu sie ou ersch sit 2 wuchä itz bi üs isch und üsi shows ono nid aui cha, no nid sooo sehr am team hanget. mir wüssä ou, dassmr üs i zuäkunft no oft wärdä gseh, und näbä mir isch ja no äs freis bett :) ja, äs isch ei sach hie uf derä insle u mä chönnt ächt meine auäs isch verfluächt hie. äs isch eis riese drama, wasmä itz gloub us däm text gar nid so cha useläsä wüu viu sachä erschtens nid gschribä si u wüu mä d situation immer angers gseht aus usestehendi person.... aber ja, mi redt immer vo wägä mi wet di guätä lüt phaute und überhoupt d lüt phaute u bietet när serigi sachä. drzuä chunnt, dass äs eidütig ds wenig lüt sie und si uf niemer chöi verzichte und drum ou so viu überhoupt cha bote wärdä...
ja nid nur d theresa isch itz wäg sondern ou d caro wo üs immer äs lachä ufs gsicht zouberät het. sie hetü s aber vorsproche, dassi no mau verbi chunnt und ig hoffe ächt, dasses würkläch so isch :)
auso di wuchä isch ächt nur eis einzigs chaos gsi und i bi froh ischsi verbi! hoffe dir heit ä besseri wuchä gha und bi öich isch auäs guät!

ps. morn heimr premiere vo üsere letschte standartshow u drum ou immer nachttraining. hüt söus aber no sangria gäh - geschter isch vor poolparty no ä ganze chübu übrig blibe :)
vermisse öich aui - itz wo hie sones züg isch sowieso no viu meh. da überleit mä säch ächt, obmä nid lieber däheim wär... aber ja, irgändwie würd mä ja däheim ds schwize bi 41 grad ou vermsise :)

füehlet öich aui drückt! <3

griechische götter auf rhodos

so öpis gloubt mä nid.

mini liebschte, i hocke itz gad i üsem theater, ganz ällei, lose am pläschterä vo üsem piuz im pool zuä u luägä dr mond a. u itz gad i däm momänt, vermissi näch ungloublech fescht u würd näch so gärn aui knuddle. mis mami isch hüt wieder abgreist - mir hei ä wunderschöni zit gha u i sogar äs paar freii täg. aber itz geits wieder witer mit am morge am haubi 10ni ufstah, schnäu alege, zur besprächig u när los zur asag. direkt i chinderclub u am 12i geits wieder abe zum pool zum 12-aktiv-spiel. das geit bis am haubi 1 u när heimr ä haubstung pouse zum ässä.... när geits witer mit vorbereitige oder probe. am drü wieder asag u ab i chinderclub. dert simr när bis am sächsi (wes guät geit, süsch ou mau bis am haubi 7ni) ab und zuä het mä am viertu vor 7ni ou scho wieder solinoschmus (d ching dörfe ohni mami u papi ässä drfür mit dä animateure) u när geits ab id actionstung u direkt id minidisco. wemä glück eht, hetmä keh abedienscht isch aber süsch meistens mit vorbereitige oder so beschäftiget oder isch eifach mau nur froh, wemä ä haubstung cha go pfuse.... znachtässä faut bi mir normalerwis us, wüui ds fuu bi zum ufstah oder wüui di haubstung lieber öpis angers machä (und ässä mit de gäst isch eh nid mis liebschte ;)) näbscht solinoschmuus chas ou si dassmä restaurantaktion het... auso äntwäder ä haubstung dastah und aune gest ä guätä wünschä u verkünde wasmä fürne show het. oder äs standbiud 25 minute lang, und, und, und. när träffä mir üs normalerwis am haubi nüni zur vorbereitig fürd abeshow - deko, ufbou, schminke, alege und am haubi 10ni geits när mit dr show los. di geit meistens bis am haubi 11i u bis am 11i setzt mä säch när no zudä gescht. när wird uf-und abgruumt. und eigentläch heimr nächhär immer no äs meeting oder tanzprob. zwüsche 1 und haubi 2 simr när meistens fertig u hocke meistens ono chli dsume u plöiderlä zämä u sie när irgändeinisch nur no froh, wemr todmüed itz bett chöi gheie.... und da sötmä no zit für sini liebschte finge!? äs tönt immer so blöd, dass i ha doch eifach keh zit u würd mi aber gärn mäudä. u wärs nid mit eigene ouge gseh het, gloubts äuä ou nid. aber äs isch leider tatsächläch so. i bi froh, dass dir mi aber aui immer alächlet weni i mis zimmer inechume und weni schlafe immer i mire nöchi sit (föteli vo öich si rund um mis bett verteilt...) dir fählet mir ganz oft und äs wär ächt schön, weni mängisch no chli meh vo öich würd mitbrcho u mi ou meh chönnt mäudä. i chume zwar ganz viu nidmau drzuä uf öii mails ds antworte - aber schribet mr trotzdäm i lises u fröie mi, weni dsmingst weiss, was i öiem läbä so ablouft.
i hoffe itz, dasses im summer irgändeinisch we das ganze chli igspiut isch (und nüme immer lüt göh u wieder nöiii chöme...womr immer wieder aui tänz u aus müässä lehre....) wieder chli meh freizit hei und ig somit ou meh zit für öich!

i drücke öich ganz fescht, dänkä viu a öich und hanech aui ungloublech fescht gärn!!!!

<3 <3 <3

wieder bsuäch!!

sooo, u chum isch dr eint bsuäch abgreist, het säch scho dr nächscht akündiget. nächschtä donnschti chunnt mis mami (mit gheimer begleitig) a. drmit ig doch de chli zit mit ihne cha verbringe duäni itz hüt, am samschti ällei schaffe während däm aui angerä frei hei. aber so schaffe am samschti isch ganz gäbig. mi muäss haut nur d gest begrüässä uverabschide u chli musik machä und ufrume u das ischs scho :) drum hani itz ändläch ou mau wieder zit fürne blogitrag....
d snecy isch itz am mittwuch uf kos gange u drfür si am donnschti scho d caro ud theresa acho. d theresa isch itz bi mir im zimmer u zwar ganz ä ruhigi aber ä superliebi, hüt isch no ksenia acho u die chani no nid so ischetze.... aber ja isch sicher guät, dassi im eigete rümli isch wüu das isch äuä ä ziemlächi quatschtante....
so i duä itz no biuder ufelade u duä när wieder chli schäfferlä ;) hihiii.

drücke öich aui fescht!!!! vermisse näch!!!

fotos

crazyday

bsuech :)

d schoggiglace schmöckt ;)

casinonight

westernabend