heilmittel: besuch in bern!

sit vier täg dräiht säch bi mir auäs u mir isch praktisch duursturm. aber das isch ou auäs. süsch geits mr eigentläch guät. chönnte 100 sachä wo nid guät si u i gah itz mau drvo us, dasses ä isemangu isch wüui hie sitemnä monet nie fleisch ha gässä etc.

villäch ischs ou eifach nur heiweh u drum hani hüt beschlosse, dassi übernächschts weekend äs bsüechli ds bärn abstatte! ig fröie mi so wahnsinnig fescht!!!!!

auso mini liebschte, bis gaanz, gaaanz gli!!

fröie mi uf öich!!! <3

hier j'ai mangé des escargots

jaaap, das isch mis znacht gsi geschter...

fazit: äs brucht chli überwindig isch när aber nid mau so schlächt! eifach kopf usschaute u ässä. auso äs isch itz nid mis nöie lieblingsässä aber äs isch ou nid schlächt gsi... :-) hihii und i ha hüt weder buchweh no ischs mr schlächt oder öpis ähnlächs ;)

after 3 weeks im finally arrived!

vor öpä 2 wuchä hetmr öper gseit, dassäs so drü wuchä geit u när wotmä nüme hei. auso gad gar nüme hei woti nid. aber itz bini ändläch acho! ha super lüt um mi ume, d schuäu isch im momänt toll und i cha itz hie ds "easy-going" läbä chli gniesse!
geschter am abe bini mit dr andrea (vo tornto) und dr sofia (mini wiblächi ungerstützig ir klass vo schwede), ar sofia ihrem fründ u kollege vo ihne, ines pub go dr match lyon - real madrid go luägä.
auso jaa d andrea u ig hei nüme so viu mitbrcho, da mr üs ersch uf di haubi 10ni troffe hei. da d berächnigssite fürä öv nid ganz glich isch wied sbb site hei die chli öpis fautschs kalkuliert. gemäss derä super site hätti 45 minute gah für a dä ort woni mit dr andrea ha abgmacht gha... ha de aber när schnäu gmerkt, dassi sicher nid so lang wirdä ha u schlussändläch hani nur 25 minute ghaa... dank derä super (-.-) internetsite hani doch när lang, lang ir cheuti chönne warte u när isch d andrea tatsächläch ono öpä 15 minute ds spät cho! jaja, ir zwüschezit hani chli mit franzose plöiderlät u so mis franz chli agwändet - ja mi gloubts chum :-) aber auso di junge si würkläch viu schwieriger ds verstah aus di eutärä lüt!

uf jedä fau heimr ä super abe gha u i ha sogar chli schwedisch glehrt. nei uf schwedisch spricht mä nämläch glich us wie uf bärndütsch, super nid? :)

auso nachdäm ig de am drü mau is bett bi cho, bini hüt morge am 7ni häuwach i mim bett glägä normalerwis lütet mi wecker ersch am achti... ha eich no wöuä witerpfuse aber isch nid gange... guät id schuäu, hei wöuä go schlafe u cha wieder nid... komisch! i bi irgändwie müäd aber cha nid schlafe!?

das wuchenänd göh fasch aui hei u mir si nächscht wuchä nur 12 ir schuäu...aber ds coole isch, dass d andrea no 5 1/2 wuchä blibt ud sofia sogar no ganzi 11 1/2 wuchä! dir gseht, langsam läbi mi i und ha ds glück super cooli lüt um mi ume dörfe ds ha! so fägts eidütig!

rächnä, motze... gäud spare!

am sunntig hani d rächnig vo esl für die 2 zuäsätzlächä wuchä brcho. ir schuäu hani jedoch scho vorhär dr katalog 2011 id finger gnoh u d kursgebühre usgrächnät - keh grossi kunst. wo d rächnig isch cho, du di grossi überraschig. meh aus 200 franke differenz zu mire usrächnig. auso nomau nachärächnä. immer no 200 franke differenz. naja, nid lang überlege u äs nätts mail schribä... wieso sie de die gebühre nomau berächnä (unlogisch!) u wieso si kursdur vo 2 wuchä nähmä (türer) u nid die vo 8-10 wuchä (biuiger) schliessläch hani ja nid nöi buächät sondern nur verlengeret.  hüt chunnt di nöii rächnig! tatsächläch 220 franke differenz!
auso äs het säch einisch meh glohnt mitdsdänkä, ds motze u viu gäud ds spare! :D

di nöie klass isch super! dr lehrer eidütig viu besser! mir hei ä sehr ä gnaui struktur. machä a eim morge alles - vo läsä über lose, diskutiere, wörtli lehre, spieli spiele, bis zu grammatik! eifach super! d klass isch meh oder weniger glich blibe usser dass no ganz ä nätti schwedin drzuä isch cho! super!!! :D hihii.
am nami simr im intensivkurs nur no 4 u im superintensiv no 2 u wüu hüt di angeri nid isch cho, bini ganz ällei gsi. privatungerricht auso! so gefällts mir doch! :D
dir gseht, super i di nöii wuchä gstartet! so chas witergah!
juuhui :D

4h Spaziergang

Lyon het würkläch ungloublech viu ds biete. mir si hüt go ds Anphitheater ud Basilika Notre-Dame de Fourvière go aluägä. Vo dert het mä ä ungloubleche usblick über ganz lyon!

friseurversuch geglückt!

soo, geschter am abe bini wieder mau chli im usgang gsi. het dismau würkläch gfägt u mir hei d nacht düretanzet - isch ja wou klar we mit 5 brasilianer u ärä tänzerin ungerwägs bisch :-) hüt am morge hani so einigi problem gha, da üsi liebä nachbare dänkt hei, sie müässä am nüni scho dr bohrer fürenäh u mis französisch isch ou wieder chli i witeri färni grückt da ig geschter praktisch nume änglisch ha gredt :-)

hüt morge hani mi entschlosse mit dr patricia zum coiffeur ds gha, wüui sowieso scho wach bi gsi u sie uf die viertu vor 11i ä termin het gha. woni so chli zuägluägt ha, hani fasch chli angscht brcho, het di coiffeuse doch nie ä schäri füregnoh sondern di ganze haar vor patricia mitemnä mässer-ähnlächä dings gschnitte... wos zum föhne isch gange, het d patricia mau dr kopf voreabe müässä ha u när isch gföhnet worde... ha dänkt i wages glich no u ha du när ou härä gha wüu schlimmer aus äs isch gsi, hets fasch nüme chönnä wärdä ;-) u bi mir het sie de när tatsächläch d schäri zur hiuf gnoh (aber nid schlimm, sie het mr d längi glah, was bis itz no nie ä coiffeuse ir schwiz het gmacht... dert si 3 cm immer öpä 10cm...) u i ha sogar normau chönne blibe hocke, wosi mini haar het gföhnet! :-) u itz hani auso wieder fränsälä!

übrigens mami, d coiffeuse het mr de ou wüäscht gseit, dassi mini "schöni" naturhaarfarb überfärbt ha wobi mä ja scho lang nüme so viu gseht...

muäss itz no chli go nacheschlafe ;-) drücke näch aui ganz fescht!!

le français vient - juhui!

après trois semaines à lyon le français vient petit à petit automatisme! ça me fait plaisir! je fait souvent des fautes de grammaire mais je peut dire presque tous que je veux! c'est fantastique! je ne sais pas si c'est à cause des vitamins :-) now i can also refresh my english with the nice canadian girl andrea!

je vous embrasse très fort!

PS. GOODNEWS! i cha die 2 zuäsätzlächä wuchä bir nathalie blibe u muäss zum glück nid familie wächslä!!! sie ischs vori gad ganz fröidig hei cho verzeue :-)

woche 3

afangs vo derä wuchä hani nur no heiwöuä wüui längiziti ha gha aber itz geits mr wieder besser! bi zwar durend müäd aber für das hani mr itz hüt mau vitamintablette kouft, villäch hiufts ja, äs heisst ömu uf dr packig sie sigä gägä müedigkeit :)
vor schuäu göh das wuchenänd ganz viu hei u dr räscht när ds weekend druf. när simer we kenni nöie meh chömä öpä no ds 5. ir schuäu... aber was mi ächt erstunt isch, dassi bis itz di einzigi bi wo mi ufenthaut säuber finanziert. di angeri hei aui äntwäder eutärä, grosseutärä oder irgändä grosstante wo ihne dä ufenthaut finanziert!
am mäntig chani itz klass wächslä, chume i di chli höcheri klass womä meh muäss redä (juhui wini mi fröie -.-)

schuäuzimmer

angeri asicht schuäuzimmer

ussicht schuäuzimmer

1. bsuäch!

juuhuii. das weekend hani scho mi 1. bsuäch dörfe empfah! nachem usgang am fritiabe wo eidütig scho besser isch gsi aus dä letscht wuchä aber no nid super (hei di erschte 1,5 nume gfrore u äs het praktisch keh lüt gha. ds coole isch das d metro am füfi scho wieder fahrt :)) hani am samschti mi erscht bsuäch dörfe i empfang näh!

irgändöper isch da mit ganz coole, nöie schuäh i usgang ;-)

merci für öis bsüechli äs isch super gsi!!!!

mumi <3

<3

chch winis vermisse mit dir blöd ds duä :-)

itz gsehni ändläch wieso aui sägä mir gliche üs :-)

isch mega luschtig gsi!

dr dömu am charte läsä oder so :-)

isch mega schön gsi öies bsüechli! has gnosse u dir dörft gärn no einisch cho - ds nächschtä mau würde mir ou nid zersch ä stung metro fahre - versproche!! :-)
hanech gärn! <3

no 8(!) wuche

itz ischs definitiv, i blibe nid wo vorgseh bis am 26. märz sondern no 2 wuchä lenger u fiire mi geburtstag somit in lyon :'(
bi uf dr einte site zwar trurig aber weiss trotzdäm, dasses ds beschte isch!
anschinend wot mä so nach dr 3. wuchä sowieso nüme wäg vo hie u das wär ja de bi mir itz gli sowit :-)

bilder

vermisse euch!

äs si no nid mau 2 wuchä ume u scho vermissi öich aui schreckläch fescht! :'( zum glück brchumi i 4 täg scho ds erschte mau bsuäch! mami und domi i fröie mi soooooo ungloublech fescht uf öich!
ha hüt gad chli müässä go frustshopping machä i das supergeniale, riesegrosse ichoufszentrum hie (http://www.centrecommercial-partdieu.com/W/do/centre/accueil) auso i ha praktisch nur sachä kouft woni für rhodos bruche - i 2.5 monet bini schliessläch scho dert! juhuii!

stellt sich noch folgende frage: ufenthaut hie um 2 wuchä verlengere oder nid!? ha zum glück no 2 wuchä zit für mr das ds überlege!

umarme öich aui!

Sonntagsspaziergang

Oran

Oran

Oran

Pistache

et Nathalie!