juhui hüt schiint ds lyon - pünktläch ufs weekend - ds erste mau d sunne! bir nathalie ischs besser aus im hotel mama (excüse mami, aber hie wird kochet, ikouft nach mine wünsch, putzt, gwäschä u i muäss NÜT mache) drum ischs mr äuä zwüsche düre chli längwillig. geschter si 2 kollegine vor nathalie zum apéro/znacht cho u sie si ganz härzig gsi u hei beschlosse, dass si itz im summer doch nid uf holland id ferie wei sondern lieber id schwiz :-)
das wuchenänd wot d nathalie mau no mit mir i chino u morn gahni mit 2nä vor schuäu no chli go lyon aluägä. mit metro und mit velo :-) d zit raset hie verbi u i cha fasch nid gloube, dass itz scho gli di erschti wuchä düre isch! hie hets ganz viu lädä u äs vierstöckigs gigantisch ichoufszentrum (drin bini no nie gsi aber ha scho ganz viu drvo ghört - mami zu dire beruhigung i ha ersch äs haustuäch und ä sunnebrüuä kouft ;) täbi hie würdä mir ganz sicher 2 ichoufswägeli füuue :-))
so i muäss itz nomau 1,5 stündli id schuäu bevors definitiv "weekend" heisst!
dir ghöret vo mir!
ps. ste i ha hüt dr erscht schön franzos gseh :-)
5 Kommentare:
Das kann ja noch heiter werden mit der Ichouferei :)) Mahs dir vo Härze gönne-dSunne u o das Zyt so schnäu verbi geit. Es guets Zeiche! Freutmi mega, hesch du feins Ässe u wird o süsch aues gmacht- nimm die Nathalie doch eifach mit hei- aber ohni Hung, wenner schnarchlet,hihi. Gniess dis erschte Wuchenänd i voue Züg. Sorg ha bim Velofahre u dr Stadtplan nid verdräiht häbe :)) Ganz es liebs Müntschi, dis Mami
wunderbaar miter sunne u anschiinend o wunderbaar miter nathalie! ;)i bi o wahnsinnig froh we ziit schnäu vrbii geit! ds isch äs guets zeiche für di abr u super wöu de hei mir di gli, glii wider zrügg! u apropos iichoufszäntrum, ds isch ja dr kracher, i mues uf jede fau mau vrbii cho! ;) u öbbis mues i no ahmerke zum schöne franzos....heter äs schööns muu?? ;) :P
diickscht knuddu
mami, d nathalie mitheinä wär no öpis... aber bi ja de när ou nid däheim :D aber duu d nathalie schnarchlet de ou - nid nur dr hung :) hehhe
tabea, jaaa alles wunderbar! isch würkläch äs guäts zeiche wed zit schnäu düregeit - zum glück ischs so! hehehe. jaaaa mir düä mau zämä ds ichoufszentrum abklappere u im park pick-nicke :) juhuuui.
är isch mitem velo verbigflitzt drum hani dasd nid so genau chönne unger d lupe näh :)
vermisse näch beidi ganz fescht!!
ohh ja ds machemer! ;) skypemer morn? de chöimer luege weles weekend? uiuiuii schad...! <3
Hi Melanie cool di Blog... gniess es im Usland, es bericheret di und git dir neui Horizonte und me weiss de o was me a deheime schetzt...
Liebi Grüess us USA, DANK Dir hani jetz o e Blog...lueg ine monikaatusa.blogspot.com
Liebe Gruess Monika
Kommentar veröffentlichen