Usgang in Lyon

geschter abe heimr mau chli ds nachtläbä vo lyon wöuä erkunde. eigentläch hani dänkt, dass d patricia üs ä grossi hiuf isch, dassi ja scho fasch vier monet da isch, aber es isch när uscho, dass sie no nid gross furt isch hie. mir si när dür haub lyon gloffe wüu ihre dr eint kolleg vor schuäu het gschribä, dass fasch aui vor schuäu im ayers rock si. mir si insgesamt 7 gsi u hei när äbä wie gseit öpä ä 30 minütige verdouensspaziergang härägleit... vorem ayers rock heisäch aber de di angerä entschide, dass si itz glich nid mit ihne chömä wüu sie uf di letschti metro hei wöuä. so si schlussändläch nur d lorena, d patricia u ig ine. di angerä hättä zwar ohni problem ou chönne cho wüu meh keh itritt het zaut (mir wüsse ou wieso aber drzuä speter meh...) äs isch luschtig gsi wüumr viu lüt vor schuäu hei gseh. aber äs het extrem viu lüt gha u du hesch di chum chönne bewege u mä isch mindistens au drü minute aquatsch u dumm agmacht worde... eja zum glück simr "touriste" u chöi praktisch "keh französisch". hehe! auso aus i auem heimrs aber luschtig gha bis äs churz vor 1 isch gsi u plötzläch d liechter si agange... am 1 isch dert fiirabe gsi. die vor schuäu si scho früächer witer gange u die womr gfragt hei wos itz no guät isch, heis nid gwüsst. auso heimrs üs tatsächläch scho am 1 ufe heiwäg gmacht... das zu üsem 1. usgang ds lyon! mir müässä itz mau chli google befrage u wei nächscht friti nomau richtig i usgang wüu d lorena ja de när scho wieder heigeit.....