the greatest last weekend you can imagine

das isch ds tollste letschte weekend gsi, womä säch cha wünschä. u drum chumi ou ersch itz drzuä, drvo ds berichte. üses weekend het nämläch scho am fritimittag mitemnä zmittag ar sunne agfange. äs isch so wunderbar gsi, dassi mr bis am drü si dert ghocket u d schuäu somit isch usgfaue. di bösi überraschig het säch bir andrea am abe zeigt. ihres dekolleté isch richtig rot gsi...

mis auerifeinste dessert!



sofia & me


am fritiabe heimr uf di 8ti zum znacht abgmacht. schwizerpünktläch bini am achti vorem restaurant gstange. da ig gwüsst ha, dassi sicher di erschti bi hani vorem restaurant gwartet... und gewartet... und gwartet. am viertu ab bini mau ihne go frage obi würkläch di erschti bi u ja äs isch so gsi. am 20 ab hani mau ar sofia aglüte u sie het gseit ja sie sigä ds restaurant am suächä wüu d vanessa üs am namitag drum ireführend het gseit ds restaurant sigi dert u dert - ischs aber nid gsi. da ig vorhär googlemaps befragt ha, hanis gwüsst gha. auso bini di 2 go abhole u mir si fang mau ine. am füf überhaubi heit d andrea aglüte jaa sie sige itz de gad da. d sofia het no gfragt, obsi sicher wüsse wos isch u sie hei gseit mo mou. 5 minute speter  lütets wieder - sie finges nid (wüusi ou am fautsche ort si gsi) u när simr si no go hole. dr daniel isch mit fasch ere stung verspätig cho aber dä cha zmingst no ds training aus entschuudigung agäh ;) jaja. auso weni mi uf öpis fröie ischs uf schwizerpünktlächkeit i ha hie no nie NID uf öper müässä warte :)
ds ässä isch super gsi u i ha mis iseproblem bekämpft :-)

nachem znacht simr uf wunsch vor andrea is fleming's wüu sie dert so viu zit verbracht het u vor ihrere abreis unbedingt dert härä het wöuä. mir hei ä superluschtige abe gha ou dert u wie immer ungloublech viu nöii  lüt lehre kennä.

di haubi els-schuäu isch dert gsi :)

d sofia isch 2 type go frage, ob bi ihne no ä platz frei sig. sie hei scho ganz fröidig glachet u gseit natürläch u hei scho uf ihres gröschte glück ghoffet. sie si du när ziemläch enttüscht gsi wo dr rickard u dr daniel ou gad si dert go härästah. aber schlussändlcäh heisi säch so guät verstange, u dr daniel het ihne gseit, sie söuä am samschti ou a hockeymatch cho. mir heisi am schluss gseit bis morn u sie si tatsächläch när am samschti ou cho. luschtig :)

am samschti isch ou hie ganz schön wätter gsi u  nach nur wenige stung schlaf, simr use go d sunne gniesse. ufem wäg bini no amnä märit verbicho :)

d sofia isch ihri füäss go bädele

champagner und ärdbeeri :)

und natürläch äs gläceli :)

am nami simr irgändeinisch uf d idee cho, dassmr ja aui zämä chönne choche, bevor mir a hockeymatch und i usgang göh. d andrea het soviuso no viu ds viu ässä gha u drum heimr när am abe zämä kochet u tapas gmacht. zum dessert hets ä mega feini säubergmachti vanilletorte vor pauline (dr rickard geit mitemnä franzos id schuäu u dä het ä fründin namens pauline u di 4 machä ziemläch viu zämä) gäh

ds schwede trinkt mä im summer ganz viu rose mit fanta u dr rickard het üs das ds probiere gäh :)

d andrea ud vanessa hei no äs gschänkli vor sofia brcho. u zwar äs vierblettrigs thomas sabo ahängerli. i ha ar sofia das zum geburi gschänkt u mir si när einigi tag speter drufcho, dass ds genau zu üs viernä passt :) drum auso äs gschänkli, dass d andrea ud vanessa immer a das quartett zrugdänkä

nachem ässä simr as hockeyspiu gange. isch dr haubfinau gi u schlussändläch het lyon leider knapp verlore...  si heisäch d lune aber nid lah verderbe u si när ou gross mit cho fiire :)

daniel mit dä safety pants ;) :P

mir si aui mega müed gsi drum heimr äs starks kaffi brucht :)

d heufti vor truppe :)

eini wo ds jahr vorhär äs semester ds lyon het gstudiert u itz fürnes weekend bsuächli isch cho

di 2 franzose womr am abe vorhär hei lehre kenne

rickard mit dr pauline (sie wo dr super chuächä backet het) und am ludwig

vom usgang säuber hani när wie immer leider wieder keh föteli, da ig ou dismau mini täschä ha müässä abgäh -.-

isch superluschtig gsi u d verabschidig natürläch när ou super trurig....

andrea & vanessa i miss you already! :(

 

hüt hani nid viu gmacht usser mi vo mim heuschnupfe ds erhole - mini ouge si richtig rot, mini nase louft u mi haus isch zuä.... und chli nachedsschlafe ;)

so u itz nimi no mini letschte tägli hie i agriff u när bini wieder däheim :)