news :)

am donnschti si di erschte gest acho u schön mit ballongirlande u so begrüässt worde. mir hei dä erschte gest sogar d koffere is zimmer bracht - service ;-)
am namittag si d laura u ig scho ds erschte mau im pool gsi - u das unfreiwuig. sie hei d snecy schins no gfragt ob sie mi söuä ineschiesse. aber si si ganz suäss gsi u hei zersch gluät obi äs handy ir täschä ha und när heisi mir no mini uhr wöuä abzieh wüusi nid si sicher gsi obsi wasserdicht si oder nid. hie isch immer no auäs supertoll u i freue mi itz scho wahnsinnig uf auäs wo no chunnt. di erschti show heimr itz eigentläch fertig igstudiert u hüt abe vömr mit dr 2. a. ds ässä hie im hotel isch dr ober, oberhammer! i ha gloub no nie so viu guäts imne hotel gässä. ächt spitze! zum glück bewegigi mi hie so viu :)
irgändwie hani gar nid viu zit a däheim ds dänkä u drum vermissis no überhoupt nid. mir si dr ganz tag mit üsne gest am plödierlä, am tanzä am zämä spass ha, am irgendwelchi sachä dekoriere, mit dä ching am spiele und, und, und. isch eifach toll! hüt hani 2 ganz süessi schwizerching gha. u dr buäb isch am afang gaaanz, gaaanz schüch gsi u am schluss ischer plötzläch ganz viu mit mir cho plöiderlä u so. ganz härzig.rw
das wo hie immer no müähsam isch, isch dassmr immer no idä "provisorische zimmer" si u wägä däm nid würkläch igrichtet u itz suächä mir duurend sachä u regä üs uf.
übrigens, bini hie scho ausd meli wo immer miter kamera ungerwägs isch bekannt :)
ud snecy het hüt mittag im restaurant (mit blick ufs meer) gmeint, dass mini blaue ougä schönner ausds meer si. dadruf simmer aui fasch gstrobe vor lachä wüu sie das so luschtig het gseit :)
am sunntigabe heimr ä riese grossi kidsdisco und uf die fröi mi scho vou. übrigens, darfi de bestimmt ou mau aquafit gäh - cool he!?
hüt heimr dr 1. frei tag gha und mir si uf rhodos gange. zersch heimr eigentläch wöuä roller miete aber hei schlussändläch glich dr bus gnoh. d stadt isch vou schön aber am nami ischs när ächt windig u dür das ou extrem chaut worde u drum simr eigentläch meh i kaffis ghocket u hei plöiderlät, trunke u gässä. aber mir wärdä ja di stadt schono äs paar mau chönne go agügsle. fröi mi ächt druf. u isch u lucshtig mir hei 2 angeri animationsteam wo ou vo tui haut i angernä hotels si per zuäfau troffe.
so, u itz no fotoooos :-)