immer no überglückläch!

sooo, hüt chöme di erschte gäst a - 10 oder so um genau ds si :)  (wägä däm het üs d chanti ou gseit mir träffi üs hüt ersch am 10ni u wägä däm hani itz di chance gnützt u bi no chli im internet - u das no ir lobby oni gäst ;)) äs chöme vorauäm holländer, schwede u soo. di lüt liebi ja sowieso u de chani mau öpis angers aus hochdütsch rede. das isch ou ä schöni abwächslig. mir hei geschter di 1. vo vier shows fasch fertig gmacht - itz geis haut eifach drum d tänz no richtig idstudiere. macht ungloubläch viu spass! geschter heimr ou ds erschte mau chli rägä gha aber isch när schnäu wieder verbi u am nami isch wieder strahlend schöns wätter gsi.
äs isch auäs so top hie u i spiele mitem gedankä statt wie ds lyon 2 wuchä, hie no 2 monet dra dshänkä. ha letscht mau ganz lang mit dr chanti üsere chefin drüber gredt u i söus so idä nächschtä drü wuchä sägä, drmit ig ganz sicher im hotel und im team cha blibe.
i ha ächt glück mit däm. u d chanti isch di beschti chefin womä säch cha vorsteue. sie setzt säch mega für üs i. letscht abe simr no 2 stung efiach da ghöcklet u hei bis spät id nacht gredt. chätschgummi während dr arbeitszit erloubt si (di reglä fingt sie ganz blöd, ihri wort: was söu mä de? stinke? ;)), sandale wo hinger bir färsä gschlosse si dörfe mr ou trage, chleider müässä natürläch unbedingt nachebsteut wärdä das geit nid mit so wenig, sex mit dä gest wot sie eifach überhoupt nid mitbrcho, sie schlaft am morge gärn u trifft säch gärn uf di letschti minute und, und, und.

und fotos fouge wieder speter - die nähmä ds viu zit i aspruch aber isch auso ä troum da :) wie usem katalog ;)


dir ghöret wieder vor mir - am samschti hani ja mi f-tag :)