rhodos ist einfach nur GEIL!!!

1. BRICHT NO ONI FOTOS - DIE CHÖMÄ BIR NÄCHSCHTÄ GLÄGÄHEIT! :-)


nach nur 2 stung schlafe vor luter ufregig hani mi mit 50 kg gepäck ufe wäg gmacht. nach 2 mau umstiege bini de ou ds münche am flugehafe acho. dert hani mr natürläch aus erschts äs chäreli gschnappt u mit däm düre bahnhof düset. vor em check-in hani uf mini 2 kollege gwartet. dr felix isch gad mit dr ganze family cho - mega härzig sisi gsi u chli speter isch när ou snecj a(ausgesprochen: sneeki :-)) mit ihrem fründ acho. di 2i si super cool gsi u mit dr snecj hani mi gad vo afang a verstange. mir si när de go ichecke u di 2 damene hei u lang problem gha u gseit ds system funktioniert nid. chli speter heisi gmerkt, dassi am fautsche ort gluägt hei u mir hei das denn no nid tschegget. mir si du när oni problem dürd sicherheitskontroue cho u chli speter simr scho is flugzüg gstige u dert isch när di grossi überraschig gsi: mir si ds vorderscht im flugi ghocket ir ............. klass. heisst: mir hei äs super sondermenü brcho, hei u viu platz gha. zwüsche üs hets äxtra ä frei platz gha u bei hetmä fasch chönne strecke, si super bedient worde, hei heftli brcho (ä ganzi biggi) womr am schluss sogar hei dörfe phaute, hei gratis dörfe aukohou trinke - u hei auso när ou gad mit champagner uf rhodos agstosse. isch e super flug gsi wo mega schnäu verbi isch gsi :)
womr när hei wöuä usstiege isch scho di erschti bösi überraschig choo i ha mini täschä nüme gfunge... di isch eifach nüme dert gsi woni sä ha härä tah. nachdäm säch d stewardess scho agleit het u mit i bus het wöuä mini täschä cho suächä isch si plötzläch irgändwo ufemnä flugzügsitz wieder uftoucht... no mau guät gange! aber wär wär de so blöd u nähm mini 1,2 fly täschä`?
so itz no üses gepäck abhole u när los zum hotel.... mhhh i ha uf mi rot koffer gwartet u plötzläch hani äs auts groseli mit genau mim koffer gseh.d i angerä hei no gseit i söu derä doch hinger nachä aber i hami den är nid drfür gha. guät.... äs isch du när keh rote koffer meh cho wo so het usgseh u i ha scho fasch afa grännä.... irgändeinisch hani ds groseli uf dr angerä site vom gepäckband gseh, wisi wieder ä rote koffer abenimmt u i ha scho wöuä überä rennä zu derä u zmitzt uf dr haube strecki gsehni zwüsche aune mine lüt versteckt mi koffer. manno man, wie blöd isch de die gsi? nimmt mi koffer, merkt dasses nid ihre isch u duätnä nid zrüg ufs band sondern steutnä eifach dsmitzt i flughafe. dasäs so öpis git. ir akunftshaue heimr nach öperäm gsuächt wo üs abhout u niemer gfunge, auso heimr befundä mir gönge use go warte bis plötzläch öper düre haub flughafe melanie schreit - isch du dr maa näbä mir gsi wo üs isch cho abhole. vorem bus simr uf di angerä teammitglieder troffe u si när richtig hotel. mir si aui ganz k.o. u gspannt im bus ghocket u nach ursprünglächä 25 minute (das het üs dr fahrer gseit) simr nach öpe ärä stung im hotel acho. dert hät üs ä herr söuä i empfang näh aber äs isch keh mönsch dert gsi... guät d chanti (üsi teamleiterin) u dr gene (ä angerä animateur u dr fründ vor chanti) si när ums hotel gloffe u plötzläch im hotel dsume gloffe. schockierend, dassmä dert so schnäu inechunnt ;) uf jedä fau isch plötzläch dr petro (eine vom hotel bi üs gstange) u i däm moment heimr dine gad di 2 angerä gseh verbihusche. isch ächt luschtig gsi. dr petro het üs de uftah u üs, üsi zimmer zeigt (im momänt no drü 4er gästezimmer) d snecj, d julica und ig si i eis zimmer und d laura schlaft itz mau no bim felix im zimmer - isch ja nid für lang. mir wärdä itz 2 nächt i denä zimmer schlafe, när ines angers zimmer zügle u när i di richtige zimmer cho.
zum znachtässä heimr de när pizza bsteut was öpä 1,5 stung isch gange, bises isch cho. d pizza isch när ganz guät gsi aber rächt dür (für dassmr für 1 tag nur 11 euro zur verfüägig hei....d chanti het no gseit, letshct jahr heigi ds hotel aui choste übernoh aber sigi äuä das jahr angers) dr petro isch ächt üsi abeungerhautig gsi dä maa isch so öpis vo luschtig u wird zum glück ou dr ganz summer im hotel si. är het üs de gseit, dass am mäntig aui lüt am 7ni vo afa schaffe wüu ds hotel gseht ächt no ganz schlimm us u duät am donnschti scho uf....
mir si när nachem znacht zur chanti is zimmer u hei zersch mau ostereier dörfe suächä - fürd frouä pinkigi ;) - si natürläch nid richtigi eier gsi - di wärä sicher kaputt gange aber so überraschigseier :) ächt härzig. när heimr ä churzi vorstelligsrundig ha u süsch no chli plöiderlät. d chanti u dr gene hei när uspackt u mir angerä si dr strand go suächä u seeehr schockiert gsi. das isch nid ä chisu-sandstrand das isch ä steistrand! mir si när süsch no chli dürd hotelalag gloffe u die isch ächt schön gsi im dunkle.
nach einige stündli schlaf ischs de am mäntig am nüni när losgange. natürläch isch no keh mönsch ume gsi u mir hei üs ufd suächi nachem petro gmacht (wo ja scho sitem 7ni hät söuä dert si) wüumr haut schlüssle hättä brucht. isch de niemer dert gsi u so heimr bi tagesliecht d hotelalag erkundet. isch ächt riesig u mega schön - wes fertig u ufgrumt wär :) womr üs nomau ufd suächi nachem petro gmacht hei isch üs gad dr hotelmanager übere wäg gloffe. dä isch ganz schockiert gsi woner het erfahre, dassmr no nüt ds morge hei gha u het üs gad sofort kaffi bracht. sini rächti hand het üs när erklärt, dass dr strand no gmacht wird u dert über die steine itz no sang chunnt. ds griecheland isch haut aus last minute... hehe.
ohni zmorge nur mitenä kaffi heimr üs as schaffe gmacht. d snekj und ig hei dr ganz backestageruum müässä putze (het ächt schlimm usgeh) und när heimr tuusig chistene vom miniclub müässä abetrage...ha itz de bestimmt muskukater. am haubi drü `!!) heimr de ds erschte mau öpis zwüshe d zähn brcho! mir hei gmeint mir verhungere no. am nami heimr när d chleiderufgruumt und ufghänkt u äs paari hei no dr miniclub igrichtet. i bi haut wieder backstage gsi wüu das de mi zuäständigkeitsberich isch (luschtig hani das brcho wo mit chleider und schminki ds tüe het :))
am abe simr när aui zämä go ässä u heis üs chli gmüätläch gmacht. vorhär heimr no 1 show gluägt womr itz hüt de gad probe. im momänt heimr no ab und zäu äs pöiseli u chöi üs erhole (wüumr haut immer uf viu sachä müässä warte) u isch aus mega spannend. freue mi mega u bi närvös wüui itz de doch für d teens zuäständig bi aber d chanti het gmeint, dass sigi ihri geilschti saison gsi.
sooo, itz geits gad zum probe für üsi shows mäudä mi weni wieder cha :) am donnschti chöme aber scho di erschte gäst drum isch itz de mau no chli stress agseit :)
duätmr leid, dassi mi im momänt gad nid so cha mäudä aber i dänkä a öich :-*