Sofia's Birthday Dinner!

letschte zischtig isch d sofia 26gi worde. d andrea het di guäti idee gha, dassmr äs überraschigsznacht für sie chönnte organisiere u drum simr när geschter ds nünt (gemäss rickard die beschte fründe hie vor sofia) geschterabe (friti) go id brasserie georges (http://www.brasseriegeorges.com/) go znachtässä.

Geburtstagching

ganz viu gschänkli u zu denä muässi amerke, dass die vo männer verpackt si worde ;-)

Geburtstagching

Vanessa, Alex, Robert und Rickard

aui zämä (usser dr fotograf alex)

d sofia nimmt am rickard si salat unger d lupe :-)

juhui, äs gschänkli :-)




wie immer ganz viu spass :-)

  

dr superfein geburtstagchuächä wo d andrea kouft het.

wo dr chuche serviert isch worde, hei aui tische ganz erstuunt zu üs gluägt u gwunke u drum het nä när d sofia zruggwunke :-)

d blueme si s gschänk vor andrea u dr david im hingergrund macht d sofia nache wie sie dä aute lüt het zuägwunke :-)

di drü (violet verpackte) gschänkli vodä drü hockeyspieler

gässä hani fougendes:



 

d vorspis vor andrea u mir. avocado, tomate und lachs. miiiiam!

3 verschidnigi muschle mit teigware (jaaa, mau nid härdöpfu ;))



und zum dessert dr superfein schoggichuäu wo d andrea het mitbracht!

mit superfeinem dessertwii :-)



nachem ässä heimr när no nöime öpis wöuä go trinke wüu aber de di bar scho zuä isch gsi womr ursprüngläch hei häräwöuä simr när ids apartement vor sofia und am rickard u hei dert dr abe no chli lah usklinge... da di angerä hüt ä hockeymatch ds paris hei, heissi de nachem znacht mau müässä go pfuse :-)

somit si nur no d vanessa, sofia, rickard und dr david übrigblibe

natürläch si speter no popcorn ufem tisch gstange :-)

da ig nid wieder viu gäud fürs taxi ha möge usgäh hani d wau gha äntwäder bi sofia und rickard ds schlafe oder im studenteheim mit dr vanessa. hami de fürs zwöite entschide u somit di letschti nacht mau imne angerä bett pfuset. aber i cha itz mit bestimmt heit sägä, dass di bett hie in frankrich gloub eifach aui komisch si wüui ou dert nid besser ha gschlafe aus i mim hie... naja :-)

trotzdäm ä coole abe gsi u cha ja itz hüt nami chli nacheschlafe ds wätter isch nämläch überhoupt nid guät!

wünschä öich aune no ä schöne räscht vom weekend! gniessets!