Am sunnti während däm d sofia und ig am spaziere si gsi u i mini wunderbare platterä ha ufgläsä het d andrea familie züglet wüu di auti nie däheim isch gsi u sie somit nid het chönnä profitiere. am abe hetsi mir no gschribä u gseit, dass auäs super isch ud frou u lieb isch. äs sigi eifach chli komisch wüu sie sone junge usländische maa heigi aber das machi ihre ja nüt. am nächschtä tag isch d andrea rächt verstört ir schuäu gsi u het verzeut, dass sie zmitzt ir nacht verwachet isch wüu öper i ihrem zimmer isch gsi. äs isch du dr maa gsi wo uf ihrem bett isch ghocket, mit ihre het gredt u ihres bei het gstrichelet... nachdäm d andrea ziemläch lut het gseit, dassär söu verschwinde ischer de gange aber klar, dassi di ganzi nacht kehs oug het chönne zuäduä. nachdäm si mit dr schuäu het gredt, heisi entschide, dassi nach dr schuäu heigeit, ihres zück packt und id studenteungerkunft zieht. da sie nid het ällei wöuä zrug idas hus gah, wasi no verstah, hani si begleitet. mir si mitem taxi zum hus gfahre u i ha dörfe übersetzer spiele wüu sie so närvös isch gsi u jedes wörtli französisch vergässä het. bim hus acho isch üs de d frou cho ufduä (si het im gspräch bir schuäu natürläch gseit, dass ds unmügläch cha wahr si und d andrea säch das sicher nur ibiudet het u dass ds no nie sigi vorcho (wüu sie nur giele hei gha...), etc....) und mir si rasch, rasch ids zimmer u hei packt. i ha no nie i so churzer zit so viu züg zämäpackt :)
nachdäm ig mitem gepäck d stägä bi abe cho, isch dä komisch maa dert gstange u het öpis ziemläch komisch gmusteret. i ha ds gfüäu, är isch rächt überrasht gsi, dass d andrea öpis het gseit. uf jedä fau heimr das hus so schnäu wie mügläch verlah. uds einzige was d hostmum gseit het, womr mitem taxifahrer si dervogloffe, isch gsi: au revoir monsieur....
i ha de beschlosse, dassi dert blibe u bi ha när dr räschtläch nami u abe dert verbracht. zum znacht hei d vanessa, d andrea u ig feini pizza gässä
nachem znacht isch d sofia ono cho (natürläch mit popcorn) und mir si aui zämä no chli zämäghocket u hei plöiderlät. i ha de nach däm ufregende tag mitem letschte bus däheim acho u ha natürläch no auäs ar nathalie müässä verzeue... bi ächt froh, hani letscht nacht ruhig chönne schlafe u ha keh auptröim gha!
hie isch di wuchä wunderschöns wätter u so bini hüt nach dr schuäu mit 2nä liebä schwizerine und eim vo london no öpis go trinke!
und hüt am abe di grossi überraschig. d nathalie het mir ä brief für mi bracht. di auerierschti post woni hie ha brchoo :)
merciii viuuuu, viuuuu mau lorena!!!!
Keine Kommentare:
Kommentar veröffentlichen