viel spass, viel alkohol und wenig schlaf!

gesterabe simr äs hockeyspiu vo lyon go luägä. hei gratis tickets brcho, da andrea und üses schwedische päärli die 3 spieler vo schwede kenne (die wo letscht zischtig ou mit üs ungerwägs si gsi...). so simr ds 6. ds spiu go luägä. 2 änglischsprächendi, andrea vo toronto und d vanessa vo oustralie, üses schwedische päärli und dr thomas ä zürcher u momentan ds einzige gspänli i mire klass.

Thomas & Andrea

Sofia & Richard

Sofia, Vanessa & Andrea

ig hamr dummerwis dr "asträngendst" platz usgsuächt wüui zwüsche dr andrea u dr sofia bi ghocket. was so viu bedütet wie, links änglisch rede u rächts französisch. ha auso irgändeinisch äs rächts gliir brcho :) aber am schluss vom abe hani sogar mitem thomas vor schwiz nur no änglisch gredt... mamma mia!

uf jedä fau het lyon verlore, was aber nid so schlimm isch wüus nid äs "wichtigs" spiu isch gsi... leider isch dr eint schwed rächt schlimm tschegget worde u het ömu när mit dr barre vom iss müässä ghout wärdä... är isch ä haubstung speter wieder cho ds loufe, auso wirds hoffentläch nid au zu schlimm si... heisst wou mir bringe nid glück ;)
nachem spiu simr i ds pub näbäm stadion u hei ganz viu lüt lehre kennä u heis super luschtig gha. u jaa, durend isch wieder irgändöper go ds trinke bsteue... mhh d sofia het de gägä di 12i beschlosse, dassi heigeit wüu sie fit wot sie am nächschtä tag u di räschtlächä si no blibe. irgändeinisch isch de de ds pub zuägange und mir hei müässä locations wächslä. mir hei gad äs taxi gfunge aber äs het nur d heufti platz gha so hei mir angerä no gwartet. dr eint amerikaner (keh ahnig wär das genau isch aber dä isch irgändeinisch im verlouf vom abe zu üs gstosse...) het di glorrichi idee gha äs velo zmiete u mit däm 20 minute ds fahre... i ha beschlosse, dass ds ä wunderbari idee isch u ha dr thomas u dr 2. amerikaner (zwillingsbrüätsch vo diesem) chönne überzüge. nur heimrs ou dismau nid ds stang bracht tatsächläch äs velo ds miete... (ungloublech mami, dismau isch nidmau ds zeddeli usecho -.-) auso heimr witer nachemnä taxi gsuächt u dr thomas isch de irgändeinisch im nä hotel verschwunde wüuer fürne nummerä het wöuä frage. natürläch het genau i däm momänt dr 2. amerikaner äs taxi verwütscht. i bi auso hin u härgrennt u schlussändläch simr i däm taxi ine gsi u de mit chli verspätig ou im angerä pub acho. heis ou dert super luschtig gha u  die einte hei de irgändeinisch um die haubi 3 beschlosse, dassi no öpis wei ässä :-) nachdäm isch de ou d vanessa (vo oustralie) mau ufgstange u heigange wüu mä mitem auter schins nüme so cha go party machä... bi rächt verchlüpft woni erfahre ha, dassi scho 38gi isch wüu sie gseht eidütig viu, viu jünger us! i hamr ou überleit, obi äch gschider heisöu aber irgändwie heimi di angerä när chönne überrede, dassi no chli blibe... schliessläch heisi ja scho wieder ds trinke bsteut gha u mi natürläch, wie ging, ou iberächnät ;-)
mir si no chli dert blibe u hei no chli öpis drunke... u irgändeinisch so uf di 4i ischs ou für üs langsam zit worde heidsgha... auso heimr üs ufd suächi nachemnä taxi für mi gmacht - i wohne würk am angerä ändi vo lyon u aui müäss genau i di gägägsetzi richtig für hei u chöi sogar loufe... naja! zmingst hani dismau ä besserä taxifahrer gha wo nid aus über mis läbä het wöuä wüsse :-) u so hani de am haubi füfi ou ganz guät chönne is bett trole :)

Vanessa, Andrea & me

 

Ässä am 2/haubi 3...



Thomas & Andrea :-)



Andrea

Daniel (eine vodä schwedische Hockeyspieler) & Richard

für mi isch klar gsi, dassi hüt id schuäu gha wüu i cha ja när nach dr schuäu go pfuse...dr thomas het aber scho gester gseit, dass är früächstens ufe nami chunnt u so hani hüt dr ganz morge und ou ei lektion am nami privatungerricht gha. isch super gsi u i ha auäs chönne klärä was mr no nid so ganz klar isch. u privatstunde hie wärä soutür!!! isch ächt cool so :D u i meine ou wemr ds 2 si isch das nid gad würkläch viu.

grosses klassezimmer u die einzigi wo dert isch, bi ig... :D