unterwegs...: un magnifique samedi

geschter hani ändläch mini lang planeti velotour gmacht!
dr thomas und ig hei am 2 abgmacht gha u dank schwizerischer pünktlächkeit het mau niemer müässä warte ;-) zu mim erstune, da dr thomas am abe vorhär öpä fang am 8ti is bett isch! aso uf jedä fau het dr thomas no mit sim gastbrüeder gredt u dä het ihm nomau genau erklärt, wiemä das velomietezügs muäss machä - söt kehs problem si! auso ig härä, ds züg gmacht u äs het funktioniert (chli angers aus bi dir mami, wüui ja ä metrocharte ha u wenis über die machä, aber glich über d kreditkarte zahle ischs günstiger) när het dr thomas sis glück probiert, wobis ja eich nüme so schwierig isch gsi, wüus bi mir scho gange isch. aber neei irgändwie hets bi ihm ä fählermäudig gäh (die glichi wie bi dir mami... ;-)) mir hei du när einä vo dert gfragt u dä het ou probiert u när gseit, komisch so öpis heiger no nie gseh. auso är chöng üs ou nid häufä mir söue aber mau dere nummero ufem ticket alüte di sigi gratis u die häufe dr när. auso alüte und warte, warte, warte. nach 10 minute ischs am thomas ds blöd worde u är het eifach nomau vo vor agfange. bim 2. versuäch het auäs klappet. auso velo näh und los. aber neei, dr thomas het säch ou gad das velo usgsuächt wo ä platte het. auso nomau ä dritte versuäch - nomau aus vo vor igäh u vorauäm zersch ds velo richtig, richtig prüäfä. auso nach sicher 45 minute heis ou mir gschafft 2 velo ds miete u äs het chönne losgah. si dr ganz nami dür lyon gfahre, ar rhone entlang u hei ds schöne wätter gnosse! isch eifach geniau gsi!

ds velo mitem platte...

ä nöie versuäch vom thomas

und juhuu, mir heis gschafft!

am abe heimr simr 9. höch go znacht ässä ines restaurant wo dä angerä vo ihrere lehrerin empfohle isch worde. mir drü schwizer hei rächt blöd gluägt, womr hei usegfunge, dass äs äs restaurant isch wod spezialität raclette u fondue isch! naja, auso gömr düre. mir hei sones gruppemenü für 18 euro pro person gnoh.

1. gang isch salat gsi

ds foto isch leider ersch entstange wo dr salat scho fasch läär isch gsi - dr hunger isch grösser gsi aus dr gedankä dra, äs föteli ds machä ;-)

dr 2. gang isch tartiflette gsi

härdöpfu u schinke mit chäs überbacke

dr 3. gang isch fondue gsi - ächt äs gruäsigs fondue wo so ganz flüssig isch gsi u äs het herti, auti brotwürfeli drzuä gäh. auso heimr dänkt, ja mir dünkle ds früsche brot i derä komische sosse. dummerweis isch ds brot när wine schwum gsi. auso wie brot wo 5 stung im ne glas wasser hätsch lah liege. auso pfui, pfui!!!

äs gseht ou ufem föteli nid feiner us, auses isch gsi... ;-)

dr 4. gang isch när raclette gsi u das isch würkläch überraschend sehr guät gsi. d härdöpfle si mega fein gwürtzt gsi u äs isch ächt top gsi!

5. u zu guter lescht hets ono äs dessert gäh mitemnä gratis caramelshot

schoggichueche, vanille glace und rahm

nachdäm menü simr aui fasch platz u so het ds verdouigsspaziergängli zur sofia gad guät tah. sie u ihre fründ hei äs chlises apartment u är isch momentan gad ds schwede über ds wuchenänd u so het d sofia üs aui zu sich hei iglade. nachdäm mir chli dert si gsi u di auerlüschtigste videos hei dräiht simr när witer ine usgang. ganz ir nöchi vor sofia, hets ä club ufemnä boot uf dr rhone. super cool! auso uf jedä fau simr när dert härä - keh itritt zaut drfür isch d musig nid gad di beschti gsi aber äs isch soo luschtig gsi! het mega gfägt!
irgändeinisch isch dr thomas uf di geniali idee cho, zum dj ds gha... dä het das nid so luschtig gfunge u so isch dr thomas de ziemläch gli "usetransportiert" worde... mir si när ou gange u hei bir sofia däheim uf di erschti metro gwartet. u dä schatz het sogar no popcorn für üs gmacht. auso am füfi het sie de d party für beändet erklärt, wüu sie zersch het dänkt, dass d andrea u ig de bi ihre pfuse. mir hei aber nrä ou befunde, dassmr ou heichöi. ud sofia het säch öpä no 100 mau versicherät, obi ou ä bus ha etc. u i dörfi gärn bi ihre blibe. da ig ja bis itz immer ä bus ha gha, hani dänkt äs isch besser weni hei gha. dummerwis isch natürläch genau geschter dr erscht bus ersch am 6i statt wie normalerwis am füfi gfahre -.- nei ächt!! ha mi när ufd suächi nachemnä taxi gmacht u öpä 10 minute speter ou eis gfunge u bi so heicho. hüt hani erfahre, dass d buse angers fahre wüu schuäuferie si -.- super, super, super! di buse hie tribe mi no i wahsinn! :-)
aber äs isch definitiv ä suuuuper abe gsi!!!!