what a night!



geschter am mittag heisäch d sofia, d vanessa, d andrea u ig zum zmittagässä troffe. mir si ine u schöni brasserie (http://www.cafe-des-negociants.com/) go pasta ässä. isch mega fein gsi! i ha nudle mit meeresfrücht gha. miiiami!



sofias ässä

  am abe simr äs hockeygame vo lyon go luägä. isch luschtig gsi aber mir hei üs chli ä blöde platz usgsuächt. hei mega schreiis hinger üs gha und si am schluss fasch toub gsi. dasmau hets kenni verletzte gäh und lyon het gwunne! :)



ä fan vom alex :-)





und ä chline fan vom daniel



mir hei aui mega hunger gha wüu usser d sofia u dr rickard niemer znacht het gässä u drum simr när is loft (d studenteungerkunft) chli go si ud andrea het üs no chli ässä uftischt und cafe gmacht, dassmr wieder fit wärdä!




feins tsatsiki aus istimmig uf griecheland ;-)



d sofia u dr rickard verzeue wie sie säch kenneglehrt hei u vo ihrne erschte dates. di 2 hei scho so viu luschtigs erläbt. da chamä eifach immer wieder lache!!

coffee

när isch zit worde für d sachä zämä ds packe u so richtig i usgang ds gah. mir hei äs taxi gnoh u da 2 clubs zur uswau si gstange u mir nid ganz schlüssig si gsi, heimr dr taxifahrer lah entscheide. churz vorem club (mir hei mit ihm chli drüber gredt womä süsch no guät i usgang chönnt) hetr gseit, dassmr am beschte ine angerä club söuä. auso heimr üs für dä entschide u är isch wieder zruggfahre. dr club liegt fasch näbäm loft u somit heimr meh oder weniger äs chlises tüürli für nix dräiht.
vom usgang säuber hani leider keh föteli wüu mä d täschänä immer muäss abgäh hie ds frankrich. d sofia het 2-3 gmacht aber wahrschinläch ischs sowieso besser wemä die niemerem zeigt. äs isch ä rächtä luschtige abe gsi!
irgändeinisch simr de hei - ou weni überhoupt nid ha wöuä ;) u i ha när nätterwis bir sofia u bim rickard chönne pfuse wüui 1. no keh metro ha gha u wüus 2. äuä besser isch gsi, dassi begleitig ha gha. :-)
miter andrea u dr vanessa heimr abgmacht, dassi hüt so uf di 1 chöme cho zmörgele. sie hei de aber irgändeinisch gschribä, dasses ihne nid so guät geit u dassi lieber no chli däheim blibe. somit heimr beschlosse ds dritt ds zmörgele u i ha hie auso no nie (!!) sones zmorge gha. gloub nächscht weekend gahni ou wieder dert go pfuse ;) :P

ar sofia ischs leider nid so guät gange u somit isch sie de när wieder is bett go pfüsele. dr rickard u ig hei zämä schöne zmörgelet u i bi de när mau hei. d sofia isch säch itz am uskuriere u mir hoffe natürläch sie isch de morn wieder fit. üsi entscheidig, mir geburi am mäntigabe u nid am sunntigabe ds fiire isch sicher richtig gsi :-)

aber jaaa, mi muäss ja ou dr letscht tag aus 18. jährigi so richtig gfiiret ha, nid? :-) das heimr uf jede fau gmacht!

aune no ä schöne sunnti!