weekendbsuäch ds bärn

mis weekend hät chönne besser afa, da mi zug ds lyon bereits mitere stung verspätig abgfahre isch.. naja wie seit mä so schön? gut ding will weile haben :-) zmingst hani när chönne hocke und mi chönne ufs weekend vorbereite. d vorfröid isch vo minute zu minute gstige! ha no chli vor mi chönne härädöse, da ig ir nacht vorhär vor luter vorfröid chum ha chönne pfuse :-)
ds bärn am bahnhof isch mi de ds täbi scho cho empfah u äs si di erstä tränli gflosse ;-) d täbi heimr ds buchsi am bahnhof ou gad is outo packt u mir hei när di wäutbeschti lasagne gässä u d täbi hetmr ghuufe mi fürd fasnacht parat ds machä und mir ou ghufe mi närväzämäbruch (merci ds gröschte chaos woni je imne chleiderschrank ha gseh... -.-) ds überstah! ;-)

speter am abe hani de ändläch ou d meiä ud ste wieder gseh u mir hei ä coole abe gha. übrigens meiä äs riese merci für ds wäutsbeschte müäsli, dismau hets no platz im koffer gäh u äs isch fantastisch ;-)

am samschti nach nur 4 stung schlafe bini mit dr elu u mim brüätsch uf bärn gones gläceli ässä u nachdäm d täbi ihres first het düre gha, di letschte verchleidigsutensilie go ichoufe ;-) u när si scho d anja, d ste ud täbi zu mir cho ässä u säch cho parat machä fürd fasnacht. hei ä super coole abe gha, merci a öich aui! ou a michu, dank däm kenni itz öpä 1000 nöii lüt da är ja bi jedere person het müässä ahaute u muässä äs gspräch afa! ;-)

am sunnti ischs wiederum nach öpä 4 stung schlaf zersch zu familie vo papis site gange u när no zur familie vo mamis site. chli stress aber i has gnosse ändläch aui wieder ds gseh. u am abe bini todmüed, glückläch u mit ganz viu motivation wieder zrüg nach lyon. leider hani de im zug vom genf uf lyon müässä stah aber jaa....

merci öich aune für ds super weekend! has so fescht gnosse u fröie mi scho ufä 8. apriu :-)
dir sit di beschte u heitmr ungloublech viu motivation für di letschte 4 wuchä gäh!
Freundschaft ist, wenn man beim ersten Wiedersehen nach langer Zeit das Gefühl hat, sich gerade erst gestern gesehen zu haben! ♥

ps. woni geschter ärä fanzöische ungerhautig im zug ha zuäglost, hani ds erschtä mau bemerkt, wie schön ds sprach eich isch u ha itz ganz fescht fröid, dassi mi langsam immer wie besser cha ungerhaute :-)